இலங்கையில் ஒரே சட்டத்தை அமுல்படுத்துவதற்கான ஜனாதிபதி செயலணியின் தலைவர் கலகொட அத்தே ஞானசார தேரர்,தான் இனவாதி அல்ல என்றும், இலங்கையில் அனைவருக்கும் சமமான சட்டமொன்றை இயற்ற நடவடிக்கை எடுக்க வேண்டும் என்றும் தெரிவித்துள்ளார்.
அவர் மேலும் கூறியதாவது,
நாம் வந்த பின்புலத்தைப் பார்த்து சிலர் நம்மைப் பற்றி பலவிதமான விளக்கங்களைச் சொல்கிறார்கள். இந்த நாட்டு மக்களின் எரியும் பிரச்சினைகளை பிரதிநிதித்துவப்படுத்தவே நாங்கள் வந்தோம். அதனால்தான் நாங்கள் இனவாதிகள் என்று அழைக்கப்படுகிறோம்.
நாமும் கோவிலில் அமைதியாக இருந்தால் நீதிமன்றங்களில் வழக்குகள் தொடராது. எனவே பல அமைதியான துறவிகள் இருப்பதாக நாங்கள் கூறுகிறோம். ஆனால் காலங்காலமாக நாட்டு மக்களின் பிரச்சினைகள் தீர்க்கப்படாது. அந்தப் பிரச்சினைகளைத் தீர்க்க நாங்கள் நிற்கிறோம்.
எனவே, இந்த எரியும் பிரச்சினைகளுக்கு தீர்வு காண்பதற்காகவே அன்றி அவற்றை மோசமாக்குவதற்கு அல்ல, ஒரே சட்டம் ஒரு நாடு என்ற ஜனாதிபதி செயலணி அமைக்கப்பட்டது.
பௌத்தர்கள், இந்துக்கள், கத்தோலிக்கர்கள், முஸ்லிம்கள், சிங்களவர்கள், தமிழர்கள், என்ற இனம் காரணமாக இந்த நாட்டின் சட்டத்தை மாற்ற முடியாது. நாட்டின் சட்டம் அனைவருக்கும் சமமானதாக இருக்க வேண்டும்.
இந்த நாட்டில் பிரதான இனம் என்ற வகையில் சிங்களவர்கள் தமது வரலாற்றில் சிறுபான்மையினரை துன்புறுத்தியதில்லை. திறமையானவர்களுக்கு இடம் கொடுக்க வேண்டும். இனமோ, மதமோ தடையாக இருக்கக் கூடாது…
